Narratori, Fosko Zaga, është një i moshuar. Jashtë moshe. Dyqind vjeç, ndoshta. I mbushur me dashuri, ai nuk mund të vdesë para se një njeri tjeter të dashurojë ashtu siç ka dashuruar ai, dhe të marre stafetën. Gjithçka filloi në Rusi, nën sundimin e Katerinës së Madhe, ku Xhuzepe Zaga, babai, ushtronte dhuntitë e veta prej magnetizuesi, alkimisti, astrologu dhe, kryesisht, shëruesi i Katerinës së Madhe. Gruaja e tij e re, Terezina, tallëse, shejtane, natyra e së cilës spikat në këtë fis magjepesish, është vetëm diçka më e madhe se Fosko. Dhe Fosko e do me një dashuri të pafund, që e detyron, dy shekuj më vonë, të bluajë kujtimet e veta, sërish dhe gjithmone, për të penguar që Terezina të vdese realisht. Dhe ajo nuk vdes, sikur penda e Foskos shkrimtar të jetë mveshur me të gjithë pajisjet iluzioniste që ai kishte zbuluar, me Terezinën, në një nënçati magjike të Rusisë së vjetër.

Magjepsesit

Pse dy emra shkrimtarësh në ballinë? Romain Gary dhe Emil Ajar janë i njëjti njeri. Romain Gary e kishte fituar një herë çmimin Goncourt, më të njohurin dhe më të rëndësishmin në Francë, në 1956 me romanin “Rrënjët e Qiellit”, dhe sipas rregullave të Akademisë Goncourt ky çmim jepet vetëm një herë. Por ai  e nënshkroi romanin “Me jetën përpara” me emrin Emil Ajar dhe në saje të këtij mistifikimi mori përsëri çmimin Goncourt në vitin 1975, për këtë histori të mrekullueshme të dashurisë së një djali të vogël arab për një grua të moshuar çifute. 
Libri na tregon si Momo lufton me gjashtë katet që Madam Roza nuk do më t’i ngjisë, por edhe me jetën sepse “kjo nuk të fal”, dhe se  nuk “ka nevojë të kesh arsye për të pasur frikë”. Ky djalë i vogël do ta ndihmojë Madam Rozën të fshihet në “vrimën e saj çifute”, dhe kështu ajo nuk do të vdesë në spital por do të përfitojë nga e drejta e shenjtë e “popujve për të vetëvendosur”, çka nuk respektohet nga Urdhri i Mjekëve. Ai do t’i rrijë pranë deri në vdekje, e madje edhe përtej vdekjes. Edhe Gary i qëndroi deri në vdekje besnik identitetit të tij të ri, me të cilin arriti të bëhej shkrimtari i vetëm në Francë me dy çmime Goncourt, por e zbuloi të vërtetën në librin “Jeta dhe Vdekja e Emil Ajar”, i botuar vetëm pas vdekjes së tij.

Me Jeten Perpara

Asnjëherë s’e kam ditur tamam ç’do të thotë grua “shumë femërore” apo burrë “shumë burrnor”, nëse nuk është para së gjithash ai ose ajo që dashurojmë. Atëherë, më premto. Më premto se brengën tënde nuk do ta shndërrosh në lehtësi, në dredhi. 
Një banesë gri e qarkuar prej ferrash e rrënojash. Ah, jo! Nuk dua që vdekja të fitojë më shumë nga sa mund të marrë me vete. Ti nuk do të mbyllesh me shtatë palë kyçe prapa mureve të kujtimit.

Nuk dua ta ndihmoj gurin. Kemi qenë të lumtur dhe kjo na sjell detyrime kundrejt lumturisë. Nuk di se çfarë t’ju them tjetër përveç kësaj: unë i dhashë gjithçka dhe tani e tërë kjo më ka mbetur në dorë.

Dashuria është e vetmja pasuri që rritet me shkapërderdhje. Sa më shumë të japim, aq më shumë na mbetet. Unë kam jetuar falë një gruaje dhe nuk e di si mund të jetohet ndryshe.

Drite Gruaje

Është koha e "Luftës së Ftohtë": vitet '70 të shekullit XX. Një shkencëtar gjenial francez, fizikani Mark Matjë, zbulon një karburant të ri: shpirtin e njeriut, në çastin kur po vdes, e fut në bateri dhe e kthen në energji. Me këtë lloj energjie mund të vihen në lëvizje makinat e të gjitha llojeve, por edhe të prodhohen armë bërthamore. Pas zbulimit të tij epokal, protagonisti i romanit, fizikani Matjë, vihet në shënjestër të Fuqive të Mëdha: Shteteve të Bashkuara, Ish-Bashkimit Sovjetik, Kinës, vetë Francës; të gjithë synojnë ta bëjnë për vete, ndërsa Vatikani e quan përdhosës të shpirtit njerëzor. Për t'i shpëtuar ndjekjes dhe likuidimit, ikën nga Franca dhe kërkon azil politik në Shqipëri... E gjithë pjesa e dytë e romanit zhvillohet në "Luginën e Shqipeve". Fjala është për një rrëfim përplot ngjarje dramatike, që të lënë pa frymë. Për herë të parë pas “Dimrit të madh”, Enver Hoxha bëhet personazh letrar i një vepre të përmasave të mëdha. Se si e sheh një shkrimtar francez diktatorin shqiptar do të shihni më së miri gjatë leximit të këtij romani sa tronditës, aq edhe zbavitës, vepër e shkrimtarit të njohur Romain Gary, dy herë fitues i Çmimit "Gonkur".

Lista e librave të autorit Romain Gary

Magjepsesit

Me Jeten Perpara

Drite Gruaje

Grahma E Fundit

Magjepsesit

Me Jeten Perpara

Drite Gruaje

Grahma E Fundit